Сайлов жараёнлари қонунийлик, холислик, очиқ-ошкоралик тамойиллари асосида давом этмоқда. Бу мақсадда вилоятдаги тегишли техник талабларга жавоб берадиган 18 та сайлов участкасида видеокузатув мосламалари ўрнатилган бўлиб, уларда кечаётган жараёнлар реал вақт режимида (онлайн) видео-трансляция қилиб борилмоқда.

Хусусан, saylov.uz расмий веб-сайти орқали Қарши шаҳридаги 13- ва 44-, Шаҳрисабз шаҳридаги 95- ва 116-, Ғузор туманидаги 121-, Деҳқонобод туманидаги 224-, Қамаши туманидаги 312-, Қарши туманидаги 342-, Касби туманидаги 452-, Китоб туманидаги 483-, Косон туманидаги 561-, Миришкор туманидаги 632-, Муборак туманидаги 681-, Нишон туманидаги 751-, Кўкдала туманидаги 760-, Чироқчи туманидаги 815-, Шаҳрисабз туманидаги 897- ҳамда Яккабоғ туманидаги 1000-сайлов участкаларидаги жараёнларни онлайн кузатиб бориш мумкин.