Qashqadaryo viloyatida Oliy Majlis Qonunchilik palatasi hamda mahalliy Kengashlar deputatlari saylovini o‘tkazuvchi 1038 ta saylov uchastkasi tashkil etilgan bo‘lib, ularning 86 tasi Qarshi shahrida joylashgan.

Jumladan, viloyat markazidagi 57-saylov uchastkasi Qarshi irrigatsiya va agrotexnologiyalar instituti binosida tashkil etilgan bo‘lib, bu yerda saylovni yuqori saviyada o‘tkazish uchun barcha shart-sharoitlar yaratilgan.

Qashqadaryo viloyat hududiy saylov komissiyasi raisi o‘rinbosari Shoira Haydarova, komissiya a’zolari Dilshod Madiyev hamda Botir Shukurov mazkur saylov uchastkasi faoliyati bilan tanishib, uchastka saylov komissiyasi a’zolariga ishlarni tizimli tashkil etish bo‘yicha o‘z ko‘rsatmalarini berishdi.

Qashqadaryo viloyat hududiy saylov komissiyasi