Saylovlarga tayyorgarlik ko‘rish va ularni o‘tkazishni tashkil etadi;

saylov uchastkasi bo‘yicha saylovchilarning ro‘yxatini aniqlaydi va tasdiqlaydi;

saylovchilarni saylovchilarning ro‘yxati bilan tanishtiradi, ro‘yxatdagi noaniqliklar to‘g‘risidagi arizalarni qabul qiladi, ko‘rib chiqadi va ro‘yxatga tegishli o‘zgartirishlar kiritish to‘g‘risidagi masalani hal etadi;

muddatidan oldin ovoz bergan saylovchilardan to‘ldirilgan saylov byulletenlarini yopiq konvertlarda qabul qilib oladi;

aholini saylov kuni va ovoz berish joyi to‘g‘risida xabardor etadi;

binoning yashirin ovoz berish kabinalari, saylov qutilari va boshqa jihozlar bilan tayyorlab qo‘yilishini ta’minlaydi;

saylov kuni uchastkada ovoz berishni tashkil etadi;

ovozlarni sanab chiqadi;

saylovchilarning va saylov jarayoni boshqa ishtirokchilarining murojaatlarini ko‘rib chiqadi hamda ular yuzasidan qarorlar qabul qiladi.