Qashqadaryo viloyati hududiy saylov komissiyasi raisi O‘ral Ostanov va komissiya a’zolari Qarshi shahridagi harbiy qismda bo‘lib, bu yerda tashkil etilgan saylov uchastkasida muhim siyosiy jarayonga tayyorgarlik ko‘rish va uni sifatli o‘tkazish borasida amalga oshirilgan ishlar bilan yaqindan tanishdilar.

Vatan himoyachilarining o‘z siyosiy huquqlaridan to‘laqonli foydalanishlarini ta’minlash maqsadida tashkil qilingan saylov uchastkasining jihozlanishi, uchastka saylov komissiyasi a’zolari uchun yaratilgan sharoitlarni ko‘zdan kechirdilar.

Uchastka saylov komissiyasi a’zolariga saylovni milliy saylov qonunchiligi asosida tashkil etish uchun e’tibor qaratilishi zarur bo‘lgan eng muhim jihatlar haqida tushunchalar berildi.