Qashqadaryo viloyat hududiy saylov komissiyasining navbatdagi yig‘ilishi bo‘lib o‘tdi. Uni hududiy saylov komissiyasi raisi O‘ral Ostanov boshqarib bordi.

Yig‘ilishda viloyatda olib borilayotgan saylovga tayyorgarlik jarayonlari, galdagi vazifalar muhokama qilindi. 

Ta’kidlash joiz, viloyatda 2 ta shahar va 14 tuman saylov komissiyalari tasarrufida 60 ta okrug saylov komissiyasi hamda 1038 ta saylov uchastkalari tuzilgan bo‘lib, ayni vaqtda ularda muhim siyosiy tadbirga qizg‘in hozirlik ko‘rilmoqda.  

Yig‘ilishda okrug saylov komissiyalari hamda saylov uchastkalaridagi ishlarni tizimli tashkil etish, ularga belgilangan tartibda uslubiy yordam ko‘rsatib borish bo‘yicha hududiy komissiya a’zolariga tegishli vazifalar berildi.