Қашқадарё вилоят ҳудудий сайлов комиссиясида шаҳар ва туман сайлов комиссияси ҳамда вилоятдаги округ сайлов комиссияларининг раис ва котиблари иштирокида йиғилиш ўтказилди.

Уни Қашқадарё вилоят ҳудудий сайлов комиссияси раиси Ўрал Останов бошқариб борди.

Таъкидлаб ўтиш жоиз, айни кунларда бутун мамлакатимизда бўлгани сингари Қашқадарё вилоятида ҳам Олий Мажлис Қонунчилик палатаси ва маҳаллий Кенгашлар депутатлари сайловига тайёргарлик жараёнлари қизғин паллага кирди. Йиғилишда сайловни юқори савияда ташкил этиш ва ўтказиш бўйича амалга оширилиши лозим бўлган галдаги вазифалар белгилаб олиниб, уларни ўз вақтида ва тизимли ташкил этиш бўйича масъулларга тегишли топшириқлар берилди.