Қарши ирригация ва агротехнологиялар институтида “Сайлов ва ёшлар” мавзуида учрашув ўтказилди.

Ёшларда мамлакатимизда амалга оширилаётган сиёсий жараёнларга дахлдорликни ошириш, уларнинг сайлов қонунчилиги борасидаги билимини юксалтириш мақсадида ташкил этилган тадбирда вилоят ҳудудий сайлов комиссияси аъзолари талабаларга сайлов қонунчилиги, ундаги ўзгаришлар тўғрисида атрофлича маълумот бердилар, ёшларни сайловда фаол бўлишга чақирдилар.

Учрашувда мазкур институт биносида жойлашган 57-участка сайлов комиссияси аъзолари ҳам иштирок этиб, ёшларни қизиқтирган саволларга атрофлича жавоб қайтарилди.