Мажлисда халқ депутатлари вилоят Кенгашига сайлов ўтказувчи округ сайлов комиссиялари аъзоларини тасдиқлаш тўғрисидаги масала муҳокама қилинди.

Қайд этилганидек, халқ депутатлари вилоят кенгаши депутатлигига сайлов ўтказувчи 60 та округ сайлов комиссия аъзолари (жами 540 нафар) таркиби халқ депутатлари туман (шаҳар) кенгашлари сессияларида муҳокама қилиниб, тасдиқлаш учун e-saylov.uz тизими орқали ҳудудий сайлов комиссиясига юборилган.

Округ сайлов комиссияси аъзолигига номзодларнинг 348 нафари (64 фоизи) аввалги сайловларда қатнашган.

Шунингдек, номзодларнинг 408 нафари олий (76 фоиз), 123 нафари ўрта-махсус (23 фоиз) ва 9 нафари ўрта маълумотга эга.

Мажлисда халқ депутатлари вилоят кенгаши депутатлигига сайлов ўтказувчи 60 та округ сайлов комиссияси аъзолари таркиби тасдиқланди.