Қашқадарё вилоят ҳудудий сайлов комиссияси аъзолари Қарши туманида бўлиб, ҳудудда олиб борилаётган сайловга тайёргарлик ишлари билан танишди.

Жумладан, комиссия аъзолари Қарши туман сайлов комиссиясида яратилган шарт-шароит, ишларнинг ташкил этилганлик ҳолатини кўздан кечиришди. Комиссия аъзоларига услубий тавсиялар берилди.

Шунингдек, вилоят ҳудудий сайлов комиссияси аъзолари тумандаги 19-сонли мактаб биносида жойлашган 342-сонли сайлов участкаси фаолияти билан ҳам танишиб, участка сайлов комиссияси аъзоларига ишларни тизимли ташкил этиш бўйича ўз кўрсатмаларини беришди.