Qashqadaryo viloyatida Oliy Majlis Qonunchilik palatasi hamda mahalliy Kengashlar deputatlari saylovini o‘tkazuvchi 1038 ta saylov uchastkasi tashkil etilganligi haqida avval xabar bergandik.

Qashqadaryo viloyati hududiy saylov komissiyasining navbatdagi majlisida uchastka saylov komissiyalari tarkibini tasdiqlash to‘g‘risidagi masala ko‘rib chiqilib, 10524 nafar nomzod uchastka saylov komissiyasi a’zoligiga tasdiqlandi.

Komissiya a’zolarining 4900 nafari (47 foizi)ni xotin-qizlar, 277 nafari (3 foizi)ni nogironligi bor shaxslar tashkil etmoqda.