Oliy Majlis Qonunchilik palatasi va xalq deputatlari Kengashlari saylovida kuzatuvchi sifatida ishtirok etayotgan Isroilning “Emnotion Generation Climate Model” kompaniyasi tashqi iqtisodiy aloqalar bo‘yicha direktori, “New Uzbekistan” O‘zbekiston-Isroil savdo-investitsiya uyi prezidenti Nargiza Kadirova Qashqadaryo viloyati hududiy saylov komissiyasi faoliyati bilan tanishdi.

-O‘zim O‘zbekistonda tug‘ilganman, - deydi N.Qodirova. - Bugun butun dunyo hamjamiyati ota yurtim haqida iliq fikrlar bildirayotganidan xursand bo‘laman. Mehmondo‘stlik, xushmuomalalik kabi azaliy qadriyatlarini saqlab qolgan o‘zbek xalqi bugun muhim siyosiy jarayonga puxta tayyorgarlik ko‘ribdi. Bunga kuzatuvlarim davomida guvoh bo‘ldim. Va yana shunga amin bo‘ldimki, boshqa mamlakatlar saylovni o‘tkazishni O‘zbekistondan o‘rganishi kerak.